عاجل.. رسالة مفاجئة من حسين الشحات بشأن أحمد فتوح.. ما علاقة «الشيبي»؟ - بوابة المساء الاخباري

نرصد اليكم عبر موقعكم "بوابة المساء الاخباري " تفاصيل

وجه حسين الشحات، لاعب النادي الأهلي، رسالة خاصة للجماهير، بشأن أحمد فتوح، لاعب نادي الزمالك، بعد أزمته الأخيرة، مستشهدا بواقعته مع محمد الشيبي، ووفاة الثنائي أحمد رفعت وإيهاب جلال.

وجاء نص رسالة حسين الشحات للجماهير بشأن أحمد فتوح، على النحو التالي: «أنا عايز أتكلم في موضوع كلنا بقينا بنتكلم فيه، بس محدش حاسس بحاجة، الموت قريب مننا كلنا، وناس كتير بقت تموت من كتر الضغط النفسي، وشوفنا أخونا وصاحبنا أحمد رفعت ربنا يرحمه، والأب الروحي الكابتن إيهاب جلال ربنا يرحمه».

وأوضح لاعب الأهلي: «من فترة قريبة كانت مشكلتي مع الشيبي، وكان عليا ضغط ربنا وحده اللي كان عالم بيه وطلعت واعتذرت، ودلوقتي مش عايزين نوصل موضوع أخويا أحمد فتوح لكده، ونرجع نقول يا ريت كنا خفينا عليه، فتوح غلط وقال أنا غلطت، مش لازم نتكلم ونقول لا أنت غلطان ونضغط عليه، أي راجل لما بيتطلع يعتذر ويقول أنا غلطت سامحوني أولا دي حاجة كبيرة جدا عند ربنا».

حسين الشحات: ادعوا لفتوح ربنا يهديه ويسامحه

وتابع «الشحات»: «الراجل طلع وقال أنا غلطان، وعايز يروح لأهل الميت ربنا يرحمه، مش كل شوية نطلع ونقول حسين أنت شتمت، حسين أنت غلطت، نفس الكلام فتوح مش كل شوية نطلع ونقول أنت غلطان، ادعوا لفتوح ربنا يهديه ويسامحه، ادعي لحسين، ادعي لأي إنسان بيغلط».