علّق أشرف قاسم، نجم نادي الزمالك السابق، على تصريحات أسامة نبيه المدير الفني لمنتخب مصر للشباب تحت 20 عامًا، عقب خروج الفراعنة الصغار من الدور الأول لبطولة كأس العالم للشباب المقامة في تشيلي.
وقال قاسم، في تصريحات عبر شاشة قناة «الحياة»:«كنت أتمنى إن أسامة نبيه ميتكلمش في الوقت ده، كان لازم يهدى شوية ويرتب الكلام اللي يتقال واللي ميتقالش.. أنا شايف إن اللي حصل سوء توفيق مش فشل، والموقف كان ممكن يتغير لو اللائحة اعتمدت على المواجهات المباشرة».
وأضاف نجم الزمالك السابق: «أنا مش ضد الكلام، بس كان لازم يبقى في ترتيب وحدود للتصريحات.. من أبرز ما قاله أسامة نبيه إنه قرر عدم الاعتماد على بعض اللاعبين المحترفين وتأجيل ضمهم للمستقبل، وده في رأيي مش صح، لأن المفروض أضمن كل اللعيبة الجاهزين وأستخدم أقوى أوراقي في البطولة».
واختتم قاسم حديثه قائلًا: «منتخب الشباب كان في حاجة لكل لاعبيه المميزين لتخطي الدور الأول، خاصة إن البطولة قصيرة ومفيش فرصة للتجارب أو التدوير. لو كان عايز يعمل روتيشن كان ممكن يجرب خلال المباريات، لكن مش في مرحلة حاسمة زي دي».
- أسامة نبيه يكشف عن نبوءة لـ محمد صبري تحققت بعد 5 أيام - الفجر سبورت
- خالد الغندور: اتحاد الكرة يرفض مبررات أسامة نبيه ويقترب من إعلان إقالته - الفجر سبورت
- تحرك جديد من اتحاد الكرة بشأن مصير أسامة نبيه في منتخب الشباب - الفجر سبورت
- «مفيش حاجة اسمها احوش اللعيبة».. أشرف قاسم يهاجم أسامة نبيه بعد خروج منتخب الشباب من كأس العالم «فيديو» - بوابة المساء الاخباري
- بعد الخروج المبكر للشباب.. نجم الأهلي السابق: تصريحات أسامة نبيه كانت في توقيت خاطئ - الفجر سبورت
