القاهرة - محمد ابراهيم - يستمر الفنان رامي جمال في حصد مشاهدات أحدث أغنياته الذي طرحها مؤخرًا وهي أغنية "يا دمعي" حيث لقت الأغنية نجاحًا كبيرًا وانتشارًا واسعًا منذ الوهلة الأولي التي طرحت فيها حيث تحتل الآن الأغنية التريند التاسع عشر عبر موقع الفيديوهات الشهير "يوتيوب" وقد وصلت نسبة مشاهداتها نحو 283 ألف مشاهدة.
والأغنية من كلمات مصطفى حسن، وألحان مصطفى العسال وتوزيع أماديو، ومن إنتاج أر چي برودكشن وتوزيع رقمي ڤيرال ويڤ.
كلمات أغنية “يادمعي” لـ رامي جمال
ويا مخي مين لففك ويا وجعي إزاي أخففك
ويا دمعي يا دمعي يا دمعي يا دمعي.. نفسي في فرحة تنشفك
يا أصحابي طلعتوا عيرة
ملكوش غير سيرتي سيرة
غلاوتكوا راحت غلاوتكوا من بعد ما كانت كبيرة
رشّوا في سكتي خناجرهم
وأنا مأمنتش غيرهم
وروني كتير من شرهم ومدوقتش حاجة من خيرهم
ومدوقتش حاجة من خيرهم
ويا مخي مين لففك ويا وجعي إزاي أخففك
ويا دمعي يا دمعي يا دمعي يا دمعي
نفسي في فرحة تنشفك
روحتلهم ردوا بابهم
يحرم على قلبي عتابهم
مش مديهم حب تاني هما خلاص خدوا منابهم
بره من قلبي اتطردوا لو يستاهلوا كانوا قعدوا
الظاهر ان الناس الحلوة خلصوا خلاص بقى وانقرضوا
خلصوا خلاص بقى وانقرضوا
ويا مخي مين لففك ويا وجعي ازاي اخففك
ويا دمعي يا دمعي يا دمعي يا دمعي
نفسي في فرحة تنشفك
واللي سكنتوا مساكني من نقطة ضعفي مسكني
بطلت الطيبة بطلتها ومفيش حاجة هتحركني
عززته سقاني من ذله صدمتني ابيار غله
ويا عيني عليا مع اني قدمت الأسبوع كله
قدمت الأسبوع كله
ويا مخي مين لففك ويا وجعي ازاي اخففك
ويا دمعي يا دمعي يا دمعي يا دمعي
نفسي في فرحة تنشفك
آخر أعمال الفنان رامي جمال
وفي سياق متصل يذكر أن آخر أعمال الفنان رامي جمال هو ألبوم "خليني أشوفك" الذي حقق نجاحًا كبيرًا منذ بداية طرحه وقد انهالت عليه التعليقات الإيجابية وتصدر التريند ويوجد بعض الأغاني تريند رقم 1 على يوتيوب.
ألبوم "خليني أشوفك" يتكون من 15 أغنية حيث أنه قد طرح الفنان رامي جمال مؤخرًا 13 أغنية لأنه قد سبق وطرح أغنيتان وهما (خليني أشوفك، بقول وأكدب).
نجاح أغنية "بيكلموني" لـ رامي جمال
والجدير بالذكر أنه قد حققت أغنية "بيكلموني" نجاحًا كبيرًا منذ بداية طرحها حيث وصلت نسبة مشاهداتها عبر موقع الفيديوهات الشهير "يوتيوب" نحو 16 مليون مشاهدة، وأغنية "بيكلموني "كلمات مودي نبيل، ألحان فارس فهمي، وتوزيع وميكس وماستر وسام عبد المنعم، جيتار أحمد حسين.
كلمات أغنية "بيكلموني" لـ رامي جمال
بيطمنوني
الناس عليه بيكلموني
أخباره لسه بيوصلوني
من قلبي ببعتله السلام
وبيسألوني
أيامه لسه بيوحشوني
بالغالي لما يحلفوني
انا ببقى متطمن أوام
بيصبروني
كام صورة لينا يعوضوني
عن طول غيابه عن عيوني
مبقتش متحمل حرام
وفي بالي كلام
جوايا بشيله ونفسي أحكيله ونرجع زي زمان
أنا عيشت أدعيله ولسه باقيله بجد في قلبي مكان
معرفش ظروفه ولما ها أشوفه اللهفة عليا تبان
شاهده الأيام
وسنين إخلاصي دي على أحساسي وعمره عليا ما هان
مانسيتش دقيقة بأي طريقه ونفسي أرجعله عشان
حنيت في غيابه وقلبي أهو سابه محسش أي أمان
بيأكدولي
عني أن سألهم هايقولولي
طول بعده أنا عايش بطولي
والأسم أهو عايش والسلام
وبيوعدوني
وأنا نفسي بس يريحوني
وفي مرة صوته يسمعوني
وأهم حاجه يكون تمام
سعد محمود
صحفي يزاول مهنة الصحافة المنطوقة و المكتوبة، واعمل في جمع ونشر الاخبار بكل التفاصيل وكل ما يخص الأحداث السياسية والفنية العالمية والمحلية والترجمة
- "يا دمعي" لـ رامي جمال تستمر في حصد المشاهدات
- الفجر سبورت .. "يا دمعي" لـ رامي جمال تحافظ على صدارة تريند "يوتيوب"
- الفجر سبورت .. بالفيديو.. رامي جمال يطرح أغنيته الجديدة "يا دمعي"
- اليوم.. الجمهور على موعد مع أغنية "برود ببرود" لـ رامي جمال
- الفجر سبورت .. رامي جمال يكشف تفاصيل مرضه وتعرضه لمواقف محرجة مع "مني الشاذلي"
