على البيلى: فى الصيف بلعب بادل وسلة وبقيت أهدى بعد الشهرة

كشف الفنان علي البيلي، عن تفاصيل أكثر حول حياته الشخصية، قائلا: أنا حياتى متغيرتش كتير بعد الشهرة بس بقيت أهدى ومش بهزر كتير وباخد بالى من خطواتى ومن طريقتى، بس بقى عندى صحاب أكتر وبقو بيحبونى، لكنى في الأول كنت اجتماعى حتى السوشيال ميديا زمان كنت بشير بوستات كتير دلوقتى بقت مش بشير أي حاجة وبركز في خطواتى".

وتابع "البيلي"، في تصريحات خاصة لـ الفجر سبورت الاخباري، قائلا: أنا بجانب حبي للتمثيل أنا طول التلات شهور في الصيف بلعب بادل وسلة مع صحابي".

يذكر أن الفنان علي البيلي، شارك في الدورة الثالثة عشرة من مهرجان الشارقة لسينما الأطفال والشباب، وتم تكريمه على أعماله الفنية فضلا عن انضمامه لفريق لجنة المحكمين الواعدين "فئة أفلام من صنع الأطفال والناشئة".

وأضاف علي: "بدايتى كانت من على مسرح المدرسة، واللى اكتشفت موهبتى مدرسة الإنجليزي بتاعتى ووقتها بدأت أقدم عروض ومكنتش بخاف أو اتكسف ودا اللى شجعنى وخلانى ابدأ رحلتى في تجارب الأداء وورش التمثيل".