عصام زكريا: عودتى لمهرجان الإسماعيلية شرف وتحد ومسؤولية وأسعى لتقديم الأفضل

أكد الناقد الفني عصام زكريا أن عودته لرئاسة مهرجان الإسماعيلية الدولي للأفلام التسجيلية والقصيرة تمثل شرفًا كبيرًا له، وفي الوقت نفسه تحديًا صعبًا، معربًا عن تفاؤله بالدورة الجديدة وحرصه على أن تكون أفضل من الدورات السابقة.

وقال عصام زكريا: «استقبلت قرار عودتي بقدر من الحذر والتفاؤل والسعادة، وحذر برضه؛ لأنه إحنا عملنا دورات كويسة، وطبعًا لازم الواحد يعمل دورة أحسن كمان من اللي اتعملت، علشان ما يبقاش نزل، دي أهم حاجة إن الواحد ما يبقاش نزل».

وأضاف: «أنا مشيت من مهرجان الإسماعيلية وهو ناجح، وكنت راضي بده، لأن الواحد يمشي من الحاجة وهي ناجحة أحسن ما يمشي وهي مستواها بيتراجع، فعودتي طبعًا شرف ليا، وفي نفس الوقت تحدٍ كبير، لأن الظروف برضه صعبة، لكن إن شاء الله هنعمل دورة تليق باسم بلدنا».

عصام زكريا في مهرجان المنصورة لسينما الأطفال

يذكر أن الناقد الفني عصام زكريا شارك مؤخرا في لجنة تحكيم مهرجان المنصورة لسينما الأطفال في دورته الأولى، وقال في تصريح سابق إنه يرتبط بمدينة المنصورة من خلال زياراته وأصدقائه، مضيفًا: "هي طبعًا من أجمل مدن مصر، والمحافظة نفسها من أكبر وأهم محافظات مصر، وكان غريب إن ما يبقاش فيها مهرجان، ويا ريت يبقى كل شهر فيه مهرجان في المنصورة".

وأكد رئيس مهرجان الإسماعيلية للأفلام التسجيلية والقصيرة أهمية مهرجان المنصورة لسينما الأطفال، باعتباره مهرجانًا متخصصًا في مجال سينمائي لا تحظى به العديد من المهرجانات، مشيرًا إلى أن أفلام الأطفال لها تأثير كبير في تشكيل وعي الأجيال الجديدة ووجدانهم وشخصياتهم.

وأضاف: "الأطفال دول المستقبل، وهم أكتر ناس بتتأثر بالأفلام، فبتشكل وعيهم ووجدانهم وشخصياتهم، وإحنا بنشوف أفلام الأطفال بتعمل إيه في العالم، وده يخلينا نهتم أكتر بسينما الأطفال في مصر".